Iai aki raun nanom n aron butimaeami ma buokami irouia Taan Makuri n ana aobiti nako te Tautaeka? Ngkana iai ao ko kona n ribotin aki raun nanom akanne nakon te Public Service Office ke PSO ni mwangana are tabe ma katamaroaan ana service te Tautaeka n ana aobiti nako.
Iai 4 anga ake ko kona ni kabonganai n riboti iai n aron aikai:
- ribooti rinanon te tareboon nakon nambwa aikai 75021035 / 75022789 / 75022790;
- email nakon addresses aikai: This email address is being protected from spambots. You need JavaScript enabled to view it. / This email address is being protected from spambots. You need JavaScript enabled to view it. / This email address is being protected from spambots. You need JavaScript enabled to view it. ;
- kabongana te "Customer Complaint" form iaon ara website aei ane nte "contact Us" tap. Kanoaa te booma ni kaeka te titiraki ibukin te 'anti-spam', am email address, am tangtang, ao ai kabwarabwarana n aron te bong, te tai antai te Tia Makuri anne ao tera ae karaoia ae aki rau iai nanom. Click 'send message' ao ko a tataninga naba boona man ara aobiti n roko n am email address anne. Ikanne are kam a kaai naba n rereitaki iaon am tangtang anne nte email ni karokoa reken buokam;
- te kabane ni kawai ngkanne ai bon rooko n ara aobiti n aoan te makuri ni kabwarabwarai bwaai ni kabane ake a karika aki raun nanom ibukin kakaean te ibuobuoki man ara itera.
E kakawaki bwa kona ataa aran te Tia Makuri are e karaoa ae aki tamaroa nakoim ni ikotaki ma te tai, te bong ao te tabo ni makuri raa ao ai te makuri are karaoaki ae aki tamaroa.
Uringa naba are n tabetai ao e bon karaoaki ae tamaroa nakoim ma e kona n aki boraoi ma am kantaninga ai ngaia are tamaroa bwa kona bon karaua raoi ni iangoia bwa e bon kairua te waaki ae tia ni karaoki nakoim ke iai te aki boraoi ni iango are kona ni karika te un ao te maraki n nano ike ko a taku iai bwa e a buakaka te ibuobuoki.
E ngae n anne ao kam kaungaaki ni kabane aomata nako ake iai tangitangimi n aron tobwaan am kanganga n ana tabo ni makuri nako te Tautaeka bwa kam ribotini ibukin karekean te ibuobuoki ao katamaroan riki ara waaki n tobwa ana aobiti nako te Tautaeka ibukimi.
Ibukin kairan kawain ma kamatataam riki iaon uotakirakean am tangtang karea am katotoo (copy) n ara beebwa ni kamataata aei.