Whistleblowing…
Bon te waaki n riiboti iaon mwakuri ni babanikawai, aonikai ke waaki ma mwakuri aika e noria te botanaomata bwa aki rinanon tuua ma kainibaire, ao are a na kona ni karekei kanganga nakon te botanaomata ao ai bon nakon te Tautaeka…
Ningai te tai ae ko riai n riiboti iai?
Ko kona n riiboti inanon taai ake iai tabetaben nanom ni baika ko tia n nori bwa a riki inanon te tabo ni mwakuri ao taabo riki tabeua aika a tabe n riki, ke n reitinako rikiia n irekereke ma mwakuri ni babakanikawai ao are e na iai rootakia te botanaomata iai.
Iai rekenikaiu ngkana I kuneaki n riibotini mwakuri ni babakanikawai?
E bon taburoroko iaan te Tua ni Kamwakuri ba e na karekeaki kain te Tia Mwakuri ke te aomata are ribotini mwakuri ni babakanikawai.
Mataniwiin tabo ni mwakuri nako a bon aki katauaki bwa ana karaoi mwakuri ni kakamaku ao ni karekekai nakoia aia Taan Mwakuri ake a riribotini baika a nori bwa aki rinanon kawain te Tua ma a ekanako te Tua.
E kakawaki te riboti bwa ngaia teuana te anga ni ibuobuoki ibukin katokan waaki ma mwakuri ni babakaniwai.
Ribotini mwakuri ni babakanikawai nakon:
- Public Service Office : 75022789 | 75022790 ke nakon te email ae – reportcorruption@pso.gov.ki
- Leadership Commission : 75022372 | 75022373 ke email nakon – reportcorruption@lc.org.ki